“Neftçi” hücumçu ilə müqavilə bağladı

“Neftçi” daha bir futbolçu ilə müqavilənin müddətini uzadıb. 

Oxu.Az xəbər verir ki, Bakı klubu yetirməsi Mirabdulla Abbasovla anlaşmanı yeniləyib.

Yeni müqaviləyə əsasən, 26 yaşlı hücumçu daha iki il ağ-qara formanı geyinəcək. Onun anlaşması 2023-cü il mayın 31-dək nəzərdə tutulub.

Abbasov “Neftçi”də keçirdiyi yeddi mövsüm ərzində 95 oyunda meydana çıxıb. O, 20 qola imza atıb.

Qeyd edək ki, “Neftçi” bundan əvvəl Ömər Buludov, Fəhmin Muradbəyli və Mamadu Mbocla yeni müqavilə bağlayıb. Albaniyalı yarımmüdafiəçi Bruno Teluşi və bolqarıstanlı hücumçu Ahmed Ahmedovla yollar ayrılıb.