Teymur Rəcəbov Levon Aronyana qalib gəldi – YENİLƏNİB
Teymur Rəcəbov Levon Aronyana qalib gəldi – YENİLƏNİB
Fransanın paytaxtı Parisdə təşkil olunan rapid üzrə “Grand Chess Tour” seriyasının ikinci mərhələsinə yekun vurulub.
“Report” xəbər verir ki, Azərbaycan şahmatçısı Teymur Rəcəbov turnirin son günündə daha 9 blits partiyada qüvvəsini sınayıb.
Bu görüşlərin 5-də məğlub olan 34 yaşlı qrossmeyster 2 oyunda qələbə qazanıb. 2 qarşılaşma isə heç-heçə ilə başa çatıb.
Yekunda 14 xal toplayan Rəcəbov yarışı 9-cu pillədə başa vurub.
Qeyd edək ki, turnirin qalibi ABŞ təmsilçisi Uesli So olub. Rusiyalı Yan Nepomnyaşi 2-ci, fransalı Maksim Vaşye-Laqrav isə 3-cü yeri tutub.
19:50
Azərbaycan şahmatçısı Teymur Rəcəbov Fransanın paytaxtı Parisdə təşkil olunan rapid üzrə "Grand Chess Tour" seriyasının ikinci mərhələsində Ermənistan təmsilçisi Levon Aronyanla növbəti görüşünü keçirib.
“Report” xəbər verir ki, XVII tura təsadüf edən blits qarşılaşması 34 yaşlı qrossmeysterin qələbəsi ilə başa çatıb.
Qara fiqurlarla oynayan Rəcəbov 30-cu gedişdə rəqibini təslim olmağa məcbur edib.