Çingiz Hüseynzadə: “Prezidentin idmançılara müraciəti olacaq”

“Əvvəlki Olimpiadalardan fərqli olaraq, Tokioya çarter reysi ilə getmək mümkün olmayacaq. Bu da pandemiya şəraiti ilə bağlıdır”.

Oxu.Az xəbər verir ki, bunu Milli Olimpiya Komitəsinin vitse-prezidenti Çingiz Hüseynzadə bildirib.

Onun sözlərinə görə, bu dəfə rəsmi yolasalma mərasimi olmayacaq:

“Dünən Cənab Prezidentlə danışdım. Qərara gəldik ki, belə şəraitdə yolasalma mərasimi keçirilməsin. Amma Prezidentin televiziya vasitəsilə idmançılara müraciəti olacaq”.

Qeyd edək ki, Tokio Olimpiadası 23 iyulda start götürəcək və 8 avqustda başa çatacaq.

Səbuhi Musayev