Mahirli “Legiya” Çempionlar Liqasının III təsnifat mərhələsində

Futbol üzrə Azərbaycan millisinin hücumçusu Mahir Emreli Polşanın “Legiya” klubunda növbəti matçına çıxıb.

Onun komandası UEFA Çempionlar Liqasının II təsnifat mərhələsi çərçivəsində Estoniya “Flora”asının qonağı olub.
 
Futbolçumuzun komandası bu oyundan 1:0 hesablı qələbə ilə ayrılıb. İlk oyunda da 2:1 üstün olan Polşa çempionu ÇL-də 3-cü təsnifat mərhələsinə vəsiqə qazanıb.
 
Mahir bu qarşılaşmaya start heyətində başlayıb. O, 71-ci dəqiqədə əvəzlənib.