İrina Kindzerskaya: “Bu günü bir daha yaşamaq istərdim” - VİDEO

Olimpiya Oyunları tarixində medal qazanan ilk azərbaycanlı qadın cüdoçumuz İrina Kindzerskaya təəssüratlarını bölüşüb.

Bu barədə Azərbaycan Milli Olimpiya Komitəsindən bildirilib.

“Mənə dəstək olan, azarkeşlik edən və mənə görə dua edən hər kəsə dərin minnətdarlığımı bildirirəm. Bu əməyi olan hər kəsin qələbəsidir. Əlbəttə ki, mən çox xoşbəxtəm. Qalib gəldiyim ana nisbətən, indi emosiyalarım bi az sakitləşib. Artıq yavaş-yavaş Olimpiya Oyunlarının bürünc mükafatçısı olduğumun fərqinə varıram. Bu çox böyük nailiyyətdi və bu günü bir daha yaşamaq istərdim”, - deyə idmançımız bildirib.

Xatırladaq ki, Ukrayna əsilli idmançımız cüdo yarışlarının son günündə Şiyan Suya (Çin) ipponla qalib gələrək bürünc medalı əldə edib.