Paralimpiya Oyunlarında iki medal qazanan idmançımız: “Növbəti hədəfim dünya rekordunu qırmaq olacaq” - FOTO

“Mən fəxr edirəm ki, Azərbaycanı layiqincə təmsil etdim. İnşallah, Paris-2024-ə güclü şəkildə hazırlaşacağam”.

Oxu.Az-ın xəbərinə görə, bunu Tokio Paralimpiya Oyunlarında bir qızıl və bir gümüş medal qazanmış sprinter Lamiyə Vəliyeva deyib.

O bildirib ki, növbəti Oyunlarda məqsədi dünya rekordunu qırmaq olacaq:

“Düzü, çempion olacağımı gözləmirdim. Amma çox əziyyət çəkmişdim. Deməli, Allah məni buna layiq gördü. Növbəti Paralimpiya Oyunlarında əsas hədəfim dünya rekordunu qırmaq olacaq. Ona görə də buna ciddi şəkildə hazırlıq görəcəyəm”.

Səbuhi Musayev
FOTO: Tapdıq Abdullayev