Azərbaycan şahmatçıları komanda dünya çempionatında mübarizə aparacaq

Sabah İspaniyanın Barselona şəhərinin Sices qəsəbəsində qadın şahmatçılar arasında dünya çempionatı start götürəcək.

Oxu.Az xəbər verir ki, turnirdə iştirak edəcək Azərbaycan komandasının heyətində Günay Məmmədzadə, Gülnar Məmmədova, Türkan Məmmədyarova, Zeynəb Məmmədyarova və Ülviyyə Fətəliyeva yer alıb.

Dünya çempionatında komandamızdan başqa, Fransa, Hindistan, Rusiya, Gürcüstan, Qazaxıstan, İspaniya, Amerika qitəsi, Almaniya, Polşa, Ukrayna və Ermənistan komandaları da iştirak edəcək.

Qeyd edək ki, dünya çempionatı oktyabrın 3-dək davam edəcək.