Zəka sahiblərimiz dünya çempionatında Rusiyaya qarşı

İspaniyanın Kataloniya əyalətinin Sices bölgəsində keçirilən qadın şahmat komandaları üzrə dünya çempionatında bu gün qrup mərhələlərində III və IV turun oyunları keçiriləcək.

Oxu.Az-ın xəbərinə görə, millimiz bu gün III turda lider Rusiya ilə, IV turda Fransa ilə qarşılaşacaq.

Qeyd edək ki, sentyabrın 27-də qadın millimiz Hindistan və Ermənistanla 2:2 oynayıb. A qrupunda yer alan komandamız hazırda 2 xalla dördüncü sıradadır. Rusiya 4 xalla birinci, Ermənistan və Hindistan 3 xalla ikinci və üçüncüdür.

Xatırladaq ki, ilk 4 komanda 1/4 finala vəsiqə qazanacaq.

Səbuhi Musayev