ÇL: “Beşiktaş” Avrokuboklarla vidalaşdı, daha beş komanda 1/8 finala vəsiqəni təmin etdi – YENİLƏNİB+VİDEO
ÇL: “Beşiktaş” Avrokuboklarla vidalaşdı, daha beş komanda 1/8 finala vəsiqəni təmin etdi – YENİLƏNİB+VİDEO
Çempionlar Liqasının qrup mərhələsində V tura yekun vurulub.
Oxu.Az xəbər verir ki, bugünkü matçlardan sonra 1/8 finala yüksəlmiş daha beş komandanın adı məlum olub.
A qrupunda “Leyptsiq” Belçikada “Brügge”nin daşını daş üstdə qoymayıb – 5:0. Bu nəticə “Mançester Siti” və PSJ-ni vaxtından əvvəl pley-offa çıxarıb. Sözügedən klublar arasındakı görüş isə ingilislərin qələbəsi ilə yekunlaşıb – 2:1.
B qrupunda növbəti mərhələyə vəsiqəni ötən turdan təmin etmiş “Liverpul” doğma meydanda “Portu”ya qalib gəlib – 2:0. Digər qarşılaşmada isə “Milan” səfərdə “Atletiko”dan güclü olub – 1:0. Bu nəticələrdən sonra pley-offa ikinci vəsiqənin taleyi son tura qalıb.
C qrupunda “Ayaks”dan sonra pley-offa yüksələn ikinci komanda “Sportinq” olub. Evdə “Borussiya”nı (Dortmund) iki top fərqi ilə məğlub edən Lissabon təmsilçisi adını 1/8 finala yazdırıb. Dortmundlular isə mübarizəni Avropa Liqasının pley-offunda davam etdirəcəklər.
D qrupunda da 1/8 finalçılar bəlli olub. Moldovada “Şerif” üzərində böyükhesablı qələbə qazanan “Real Madrid” özü ilə yanaşı, “İnter”i də növbəti mərhələyə daşıyıb. Tiraspol klubu isə yoluna Avropa Liqasının pley-offunda davam edəcək.
UEFA Çempionlar Liqası
Qrup mərhələsi
V tur
A qrupu
“Brügge” (Belçika) – “Leyptsiq” (Almaniya) - 0:5
Qollar: Kristofer Nkunku, 12; 90+3. Emil Forsberq, 17 (pen.); 45+1. Andre Silva, 26
“Mançester Siti” (İngiltərə) - PSJ (Fransa) - 2:1
Qollar: Rahim Sterlinq, 63. Qabriel Jezus, 76 - Kilian Mbappe, 50
B qrupu
“Atletiko” (Madrid, İspaniya) – “Milan” (İtaliya) - 0:1
Qol: Junior Messias, 87
“Liverpul” (İngiltərə) – “Portu” (Portuqaliya) - 2:0
Qollar: Tyaqo Alkantara, 52, Salah, 70
C qrupu
“Beşiktaş” (Türkiyə) – “Ayaks” (Niderland) - 1:2
Qollar: Raşid Gezzal, 22 (pen). - Sebastyen Haller, 54; 69
“Sportinq” (Portuqaliya) – “Borussiya” (Dortmund, Almaniya) - 3:1
Qollar: Pedru Qonsalveş, 30; 39. Pedro Porro, 81 - Doniel Molen, 90+3
D qrupu
“İnter” (İtaliya) – “Şaxtyor” (Donetsk, Ukrayna) - 2:0
Qollar: Edin Ceko, 61; 67
“Şerif” (Moldova) – “Real Madrid” (İspaniya) - 0:3
Qollar: David Alaba, 30. Toni Kroos, 45+1. Kərim Benzema, 55
23:53
Çempionlar Liqasının qrup mərhələsində V tur davam edir.
Oxu.Az xəbər verir ki, bu gün daha iki oyun keçirilib.
C qrupunda Türkiyə “Beşiktaş”ı pley-offa vəsiqəni ötən turda rəsmiləşdirmiş Niderland “Ayaks”ını qəbul edib. Görüş meydan sahiblərinin 1:2 hesablı məğlubiyyəti ilə başa çatıb.
D qrupunda İtaliya “İnter”i evdə Ukraynanın “Şaxtyor” (Donetsk) klubu ilə qarşılaşıb. Rəqibinə 2:0 hesabı ilə qalib gələn meydan sahibləri hələlik liderliyə yüksəlib. Qrupun digər matçında İspaniya “Real Madrid”i Moldovada “Şerif”i üstələyərsə, həm özü, həm də Milan təmsilçisi 1/8 finala vəsiqə qazanacaq. Tiraspolda mümkün heç-heçə də “İnter”i pley-offa çıxaracaq. “Şaxtyor” isə bu məğlubiyyətdən sonra avrokuboklarla vidalaşıb.
C qrupu
“Beşiktaş” (Türkiyə) – “Ayaks” (Niderland) - 1:2
Qollar: Raşid Gezzal, 22 (pen). - Sebastyen Haller, 54; 69
D qrupu
“İnter” (İtaliya) – “Şaxtyor” (Donetsk, Ukrayna) - 2:0
Qollar: Edin Ceko, 61; 67