Namiq Ələsgərov Türkiyədə mükəmməl qol vurdu - VİDEO

Namiq Ələsgərov Türkiyədə baxımlı qolla yadda qalıb.

Oxu.Az xəbər verir ki, azərbaycanlı hücümçunun oynadığı “Bursaspor” Türkiyə I liqasında “Dənizlispor”un qonağı olub. 

Matçın 40-cı dəqiqəsində Namiq Ələsgərov rəqibini aldadaraq topu uzaq küncə yönəldib. Bu onun Türkiyə çempionatında vurduğu üçüncü qol olub. 59-cu dəqiqədə o, ikinci qolunu vurmağa yaxın olub, lakin top dirəyə dəyib. Namiq 88-ci dəqiqədə Kərəm Şənlə əvəzlənib.

Qeyd edək ki, “Bursaspor” daha 2 qol vuraraq səfərdə qələbə qazanıb – 3:1. Komanda hazırda 17 xalla 13-cü sıradadır.