Avropa Konfrans Liqasından “Qarabağ” paylaşımı - FOTO

Avropa Konfrans Liqasının rəsmi sosial şəbəkə hesabı növbəti dəfə “Qarabağ” klubu haqqında paylaşım edib.

Oxu.Az xəbər verir ki, postda Ağdam təmsilçisinin son 25 görüşdə bütün turnirlər daxil olmaqla (Avropa Konfrans Liqası, Azərbaycan Premyer Liqası, Azərbaycan Kuboku) yalnız bir dəfə məğlub olduğu xatırladılıb.

Qeyd edək ki, Qurban Qurbanovun baş məşqçi olduğu komanda cari mövsüm yeganə məğlubiyyətini ölkə çempionatının VIII turunda səfərdə “Səbail”lə görüşdə alıb. Komanda hazırda sonuncu pillədə olan “Səbail”ə oktyabrın 25-də 1:3 hesabı ilə uduzub.