“Qarabağ” portuqaliyalı futbolçunu transfer etdi

“Qarabağ” klubu növbəti transferini reallaşdırıb.

Oxu.Az Ağdam təmsilçisinin rəsmi saytına istinadən xəbər verir ki, Leandru Andrade ilə müqavilə imzalanıb.

Portuqaliyalı cinah yarımmüdafiəçisi Bolqarıstanın “Çerno More” klubundan transfer edilib. 22 yaşlı futbolçu ilə 2025-ci il iyunun 30-dək müqavilə bağlanılıb.

2011-2013-cü illərdə “Sportinq” kimi məşhur klubun yetirməsi olmuş, vətənində “Olyanense”, “Fatima” klublarının şərəfini qorumuş Leandru Andrade yeni komandasında 15 nömrəli formada çıxış edəcək.

Xatırladaq ki, kabo verdeli Patrik Andrade də 2020-ci ildə “Qarabağ”a “Çerno More”dən transfer olub.