İyl
2022
14:12
25
122
2507
Virtual karabakh

Rusiyada həbs olunan basketbolçu Baydenə məktub yazdı: “Burada həmişəlik qala biləcəyimdən dəhşətə gəlirəm”

5 İyl, 2022
14:12
2507

Rusiyada həbs olunan basketbolçu Baydenə məktub yazdı: “Burada həmişəlik qala biləcəyimdən dəhşətə gəlirəm”

Narkotik qaçaqmalçılığı ittihamı ilə Rusiyanın Moskva şəhəri yaxınlığındakı istintaq təcridxanasında saxlanılan amerikalı basketbolçu Britni Qrayner ABŞ Prezidenti Co Baydenə məktub yazıb.

O, Baydendən azadlığa çıxması üçün “mümkün olan hər şeyi etməyi” xahiş edib.

Qərb mediası sözügedən məktubdan çıxarışlar verib:

“Rusiya həbsxanasında olimpiya formam olmadan, həyat yoldaşımın, ailəmin, dostlarımın  müdafiəsi olmadan öz düşüncələrimlə tək qalmışam… Burada həmişəlik qala biləcəyimdən dəhşətə gəlirəm…

Başa düşürəm ki, sizin çox işiniz var, amma xahiş edirəm, məni və həbsdə olan digər amerikalıları unutmayın. Lütfən, bizi evə qaytarmaq üçün əlinizdən gələni edin”.

Qrayner 2020-ci ildə ilk dəfə səs verdiyini və səsini Baydenə verdiyini də qeyd edib.

Ağ Ev məktubun alındığını təsdiqləyib və əmin edib ki, ABŞ rəsmiləri onun geri qaytarılması üçün çalışırlar.

31 yaşlı Brittni Qrayner dövrümüzün ən yaxşı basketbolçularından biri hesab olunur. Klub səviyyəsində o, həm ABŞ-da, həm də Rusiyada çıxış edib. 2022-ci ilin fevralında o, Şeremetyevo aeroportunda saxlanılıb. Onu külli miqdarda narkotik qaçaqmalçılığı ittihamı ilə 10 ilə qədər həbs cəzası gözləyir.

Mənbə: Meduza

Bizimlə əlaqə saxlayın

Digər İdman xəbərləri