“Qarabağ” - “Ferentsvaroş” oyununun hakimləri açıqlandı - YENİLƏNİB
“Qarabağ” - “Ferentsvaroş” oyununun hakimləri açıqlandı - YENİLƏNİB
UEFA Çempionlar Liqasının III təsnifat mərhələsinin ilk oyunları çərçivəsində Bakıda “Qarabağ”la Macarıstanın “Ferentsvaroş” klubu arasında baş tutacaq qarşılaşmanın hakimləri məlum olub.
Oxu.Az xəbər verir ki, bununla bağlı UEFA-nın rəsmi saytı məlumat yayıb.
Məlumatlara görə, oyunu İsveçdən olan hakimlər briqadası idarə edəcək.
Belə ki, görüşün baş hakimi Andreas Ekberq olacaq. Ona yan xətt hakimləri Mehmet Çulum və Niklas Nyuberq köməklik göstərəcəklər. Dördüncü hakim funksiyasını isə Adam Ladebek yerinə yetirəcək.
10:56
“Qarabağ”ın Macarıstan “Ferentsvaroş”una qarşı keçirəcəyi UEFA Çempionlar Liqasının III təsnifat mərhələsinin ilk oyununun vaxtı açıqlanıb.
“Köhlən atlar”ın rəsmi “Facebook” səhifəsində yayılan xəbərə görə, avqustun 3-də Tofiq Bəhramov adına Respublika stadionundakı qarşılaşma saat 22:00-da başlayacaq.
Cavab görüşü avqustun 9-da Budapeştdə olacaq.