Çingiz Abdullayev: Ayağımız düşərli oldu

“Əminəm ki, ayın 14-də kubok oyununda da qalib gələcəyik”.

Bu gün Topaz Premyer Liqasında 27-ci turun oyunları start götürüb. 

Oxu.Az futbolinfo.az-a istinadən xəbər verir ki, “Neftçi” doğma arenada autsayder “Bakı”nı qəbul edib və 2:0 hesabı ilə qalib gəlib.  

“Bakcell Arena”da baş tutan oyundan sonra “Neftçi”nin Müşahidə Şurasının rəhbəri Çingiz Abdullayev açıqlama verib: 

“Ayağımız düşərli oldu, qalib gəldik. Strukturda dəyişiklik olacağını deyə bilərəm. Amma indidən nəsə demək düzgün olmaz. Bir aydan sonra hər şey bəlli olacaq. Proqramda nə olacağını sizlər biləcəksiniz. Əminəm ki, ayın 14-də kubok oyununda da qalib gələcəyik”.

www.oxu.az