Regekampf “Neftçi”dən getmək üçün 100 min avro tələb edir

“Neftçi” baş məşqçisi Laurentsiu Regekampfla yollarını ayırmaq istəyir.

Azərbaycan Premyer Liqasında çempion “Qarabağ”dan 22 xal geri qalaraq 3-cü yeri tutan Bakı klubu Azərbaycan Kubokunun da finalında “Qəbələ”yə məğlub olaraq (0:1) mövsümü titulsuz başa vurub. Bu səbəbdən klub rəhbərliyi baş məşqçini dəyişmək niyyətindədir.

48 yaşlı mütəxəssisin müqaviləsində xitam maddəsi var. Regekampf sözləşmənin qarşılıqlı razılıqla ləğvi üçün 100 min avro tələb edib. “Ağ-qaralar” bu məbləği ödəmək istəmirlər.

Qeyd edək ki, Laurentsiu Regekampfın “Neftçi” ilə müqaviləsi gələn ilin yayına qədərdir.

Mənbə: playsport.ro