Kapitan “Kəpəz”i tərk etdi: Bakı klubuna keçir

“Kəpəz”də ayrılıq reallaşıb.

Oxu.Az xəbər verir ki, komandanın sol cinah müdafiəçisi Yusif Nəbiyev Gəncə klubunu tərk edib.

26 yaşlı oyunçu sosial şəbəkə hesabındakı paylaşımla gedişini elan edib.

Nəbiyev 2022-ci ilin yayından “Kəpəz”də çıxış edirdi. Kapitan Gəncə təmsilçisində Premyer Liqada 34 oyunda 2 qol, 2 məhsuldar ötürmə ilə yadda qalıb.

Əldə etdiyimiz məlumata görə, Y.Nəbiyev karyerasını “Səbail”də davam etdirəcək.

Faiq Tahirov