27 
İyl
2022
10:21
22
650
5102
Virtual karabakh

Kəlbəcərdə minaya düşən zabitin ayağı amputasiya edildi - VİDEO

27 İyl, 2022
10:21
5102

Kəlbəcərdə minaya düşən zabitin ayağı amputasiya edildi - VİDEO

İyulun 26-sı axşam saatlarında Kəlbəcər rayonu ərazisində minaya düşən hərbi hissə komandiri İsbəndiyarov Vüqar Tofiq oğlunun son durumu məlum olub.

Modern.az-ın əldə etdiyi məlumata görə, hərbçinin sol ayağının dizdən aşağı hissəsi amputasiya olunub.

Yaxınlarının bildirdiyinə görə, təcrübəli zabitin sağ ayağının aşağı ətraflarında sınıq və çıxıqlar meydana gəlib. Hərbi qulluqçunun ümumi vəziyyətinin stabil olduğu bildirilir.

V.İsbəndiyarovun hazırda cərrahi əməliyyatda olduğu qeyd edilib.

Xatırladaq ki, ötən gün Kəlbəcər rayonunun işğaldan azad olunmuş ərazisində Müdafiə Nazirliyinin N saylı hərbi hissə komandiri polkovnik-leytenant Vüqar İsbəndiyarov minaya düşüb. Vüqar İsbəndiyarov Cəmilli kəndində minaya düşərək ağır xəsarətlər alıb.

Faktla bağlı Kəlbəcər Hərbi Prokurorluğunda cinayət işi açılıb.

Müdafiə Nazirliyi hadisə nəticəsində İsbəndiyarovla yanaşı, daha bir neçə hərbçinin yaralanması barədə xəbərləri təkzib edib. Bildirilib ki, Kəlbəcər rayonu ərazisində mina partlayışı nəticəsində Azərbaycan Ordusunun bir neçə hərbi qulluqçusunun xəsarət alması ilə bağlı yayılan məlumatlar həqiqəti əks etdirmir.

Qeyd edək ki, hərbi hissə komandiri Vüqar İsbəndiyarov əslən Cəbrayıl rayonundandır.

Bizimlə əlaqə saxlayın

Digər Müharibə xəbərləri