İranda təyyarə qəzası: 66 ölü – YENİLƏNİB
İranda təyyarə qəzası: 66 ölü – YENİLƏNİB
“Aseman Airlines” aviaşirkətinin nümayəndəsi bildirib ki, ATR 72-500 təyyarasənin qəzaya uğraması zamanı göyərtədə olanların hamısı ölüb.
Oxu.Az-ın xəbərinə görə, bu barədə Tasnim agentliyi məlumat yayıb.
“Təəsüflər olsun ki, təyyaradə olan bütün sərnişinlər və ekipaj üzvləri ölüb”, - şirkətini nümayəndəsi deyib.
Onun sözlərinə görə, təyyarədə 60 sərnişin, iki stüardessa, iki mühafizəçi, həmçinin pilot və onun köməkçisi olub.
11:55
İranın İsfahan vilayətində göyərtəsində 60 nəfər olan sərnişin təyyarəsi qəzaya uğrayıb.
Oxu.Az-ın xəbərinə görə, bu barədə Tasnim agentliyi İranın Fövqəladə Hallar Mərkəzinə istinadən məlumat yayıb.
Agentliyin məlumatına əsasən, təyyarə Tehran-Yasuc reysini yerinə yetirirdi.
Qeyd olunur ki, bir neçə nəfər sağ qala bilər.