Dağıstanda insanlara atəş açdılar: Ölənlər var – YENİLƏNİB

Dağıstanın Kizlyar şəhərində atışma nəticəsində ölənlərin sayı beşə çatıb.

Oxu.Az RİA Novosti-yə istinadən xəbər verir ki, bu barədə şəhər administrasiyasının mətbuat xidmətindən bildiriblər.

“Xəstəxanada daha bir qadın dünyasını dəyişib. Beləliklə, ölənlərin sayı beşədək artıb”, - deyə, agentliyin müsahibi bildirib.

19:22

Dağıstanın Kizlyar şəhərində Maslenitsa bayramı zamanı insanlara atəş açılıb.

Oxu.Az-ın xəbərinə görə, bu barədə respublikanın hüquq-mühafizə orqanlarından məlumat verilib.

Hadisə zamanı dörd nəfər ölüb, daha dörd nəfər isə yaralanıb, atəş açan şəxs isə zərərsizləşdirilib.

Onun Dağıstanın Tsuntinski rayonunun 1995-ci il təvəllüdlü sakini Xəlilov Xəlil Öməroviç olduğu bildirilir.

www.oxu.az