Tramp De Niroya cavab vermək istəyərkən pərt oldu
Tramp De Niroya cavab vermək istəyərkən pərt oldu
ABŞ prezidenti Donald Tramp aktyor Robert De Nironun onun ünvanına səsləndirdiyi təhqiredici ifadələrə cavab verib. O bildirib ki, bu, aktyorun başına dəyən çox sayda zərbələrin nəticəsidir.
Oxu.Az xəbər verir ki, Tramp fikirlərini “Twitter” hesabında yazıb.
Robert De Niro, a very Low IQ individual, has received to many shots to the head by real boxers in movies. I watched him last night and truly believe he may be “punch-drunk.” I guess he doesn’t...
— Donald J. Trump (@realDonaldTrump) June 12, 2018
“IQ səviyyəsi aşağı olan Robert De Niro kino çəkilişləri zamanı həqiqi boksçulardan çox sayda zərbələr alıb. Mən ötən gecə onun çıxışına baxdım və inanıram ki, o, aldığı yumruqlardan “sərxoş” olub.
Düşünürəm ki, o, hazırda iqtisadiyyatın çox yaxşı vəziyyətdə olduğunu, məşğulluq səviyyəsinin maksimuma çatdığını, bir çox şirkətlərin bizim ölkəmizə pullar yatırdığını anlamır. Ayıl, boksçuların qum torbası!”, - prezident yazıb.
Qeyd edək ki, Trampın yazdığı “tweet”də buraxdığı qrammatik səhvlər istifadəçilərin gülüşünə səbəb olub.
Aktyor Robert De Niro Nyu-Yorkda “Toni” mükafatının təqdimolunma mərasimində ABŞ prezidenti Donald Trampı söyüb.
De Niro rokçu Bryus Sprinqstini nominasiyalardan birinin qalibi olduğunu elan etmək üçün səhnəyə çıxıb.
“Mən bir söz demək istəyirəm. Trampın ***”, - De Niro bildirib.
Onun bu sözlərini zaldakı aktyor, rejissor və prodüsserlər alqışla qarşılayıb.
Məlumata görə, mükafatın təqdimetmə mərasimi CBS telekanalı vasitəsilə canlı yayımlanıb.