Aparıcının göz yaşlarına inanmadılar - VİDEO

Sosial şəbəkə istifadəçiləri canlı yayım zamanı göz yaşlarını saxlaya bilməyən MSNBC telekanalının aparıcısı Reyçel Meddounu riyakarlıqda ittiham ediblər. 

Oxu.Az xəbər verir ki, aparıcı ABŞ sərhədçiləri tərəfindən miqrantların uşaqlarının zorla alınması xəbərindən təsirlənib. 

Meddou mətni oxuyan zaman dayanıb və göz yaşı axıdıb, daha sonra isə istehza ilə gülüb. Bundan sonra o, özünü ələ ala bilməyib və verilişi yekunlaşdırıb. 

Bir çox istifadəçilər aparıcının bu hərəkətini tənqid edib.

“Və Oskar verilir...” - @bminoske yazıb. 

“Heç vaxt inanmaram ki, Reyçer Meddou dünyadakı uşaqların qayğısına qalır. Bu, həmişə olduğu kimi pozadır”, - @YourLocalJacob qeyd edib. 

Ancaq bununla yanaşı, aparıcının göz yaşlarına inananlar da olub. 

www.oxu.az