İstintaq baş katibin Ermənistanı tərk etməsinə icazə verdi

İstintaq 2008-ci ildə konstitusiya quruluşunu devirməkdə ittiham olunan Kollektiv Təhlükəsizlik Müqaviləsi Təşkilatının baş katibi Yuri Xaçaturovun Ermənistanı tərk etməsinə icazə verib. 

Oxu.Az xəbər verir ki, bununla bağlı TASS agentliyinə respublikanın xüsusi istintaq xidmətinin mətbuat katibi Marina Oqancanyan məlumat verib. 

“Xaçaturov bir müddətlik Ermənistan ərazisini tərk edə bilər. Ona qarşı seçilmiş qətimkan tədbiri buna maneə törətmir”, - M.Oqancanyan qeyd edib. 

Yuri Xaçaturov 2008-ci il martın 1-də baş verən hadisələrdə ittiham olunur. O zaman Xaçaturov Ermənistan Silahlı Qüvvələrinin baş qərargah rəisi vəzifəsini tuturdu. 

www.oxu.az