Londonda avtomobili insanların üzərinə sürdülər - YENİLƏNİB
Londonda avtomobili insanların üzərinə sürdülər - YENİLƏNİB
Britaniya polisi Londonda avtomobilin parlament binasının qarşısındakı çəpərə çırpılmasını terror aktı kimi nəzərdən keçirir.
Bu barədə Oxu.Az İnterfaks-a istinadən xəbər verir.
“Hazırkı mərhələdə biz hadisəni terror hücumu kimi nəzərdən keçiririk, Britaniya polisinin terror əleyhinə bölməsi təhqiqat aparır”, - deyə London polisindən bildiriblər.
Hadisə ilə bağlı saxlanılmış avtomobil sürücüsünü terror aktı törətməkdə şübhəli bilirlər.
12:39
Londonda parlament binası qarşısında avtomobilin çəpərə çırpılması nəticəsində bir neçə piyada yaralanıb.
Oxu.Az xəbər verir ki, hadisə yerli vaxtla saat 07:37-də baş verib.
Avtomobil parlament qarşısındakı çəpərə çırpılıb.
“Sürücü hadisə yerində saxlanılıb. Bir neçə piyada yaralanıb”, - deyə polisin məlumatında qeyd olunur.
Xatırladaq ki, bundan əvvəl bir neçə Avropa paytaxtında avtomobilin piyadaların üzərinə sürülməsi ilə kütləvi terror aktları törədilib.