Qadın və azyaşlı oğlu timsahın qurbanı oldu

Uqandada timsah qadın və onun beş aylıq oğlunu parçalayıb. 

Oxu.Az xəbər verir ki, bununla bağlı “The Daily Monitor” nəşri məlumat yayıb. 

Yırtıcı Albert gölündən su götürmək üçün gələn qadına hücum edib. Ətrafdakılar timsahı görüb qaçsalar da, qadın buna nail olmayıb. 

“Yerli sakinlər onu xilas etməyə çalışıb, ancaq timsah qadını və uşağı suyun dibinə aparıb”, - şahidlərdən biri deyib. 

Onların cəsədlərini tapmaq mümkün olmayıb. 

www.oxu.az