ABŞ Əsədə ultimatum verdi

Əgər Suriya hökuməti yeni konstitusiya layihəsi üzərində işləməkdən imtina etsə, ABŞ tərəfdaşları ilə birlikdə bu ölkəyə qarşı sərt sanksiyalar irəli sürəcək. 

Oxu.Az xəbər verir ki, bu fikirləri “Reuters”ə müsahibəsində ABŞ-ın Suriya üzrə xüsusi nümayəndəsi Ceyms Ceffri deyib. 

“Əgər rejim bunu etməsə, biz onlarla 2015-ci ildə İranla davrandığımız kimi hərəkət edəcəyik”, - Ceffri bildirib. 

Diplomat əlavə edib ki, ABŞ “təcrid siyasəti”ni də tətbiq edə bilər. 

“Əgər BMT Təhlükəsizlik Şurası sanksiyaları təsdiqləməsə, biz Avropa Birliyi və asiyalı tərəfdaşlarımız vasitəsilə bunu edəcəyik”, - xüsusi nümayəndə bildirib. 

www.oxu.az