Şortlu sərnişini təyyarəyə buraxmadılar

“Saudi Arabian Airlines” şirkəti Cakarta aeroportunda şort geyinmiş kişini təyyarəyə buraxmayıb. 

Oxu.Az xəbər verir ki, bununla bağlı “Daily Mail” məlumat yayıb. 

İş adamı Yordan Bişop deyib ki, o, təyyarəyə girmək istəyərkən şirkət nümayəndəsi meneceri çağırıb. Menecer bildirib ki, iş adamı bu geyimdə təyyarəyə girə bilməz. 

Cakartada havanın temperaturu 32 dərəcə olduğu üçün sərnişinin yanında əlavə şalvarı olmayıb. Bu səbəbdən o, təyyarəyə minmək üçün aeroportdakı mağazalardan birindən şalvar alıb və bundan sonra təyyarəyə əyləşib. 

İnsidentdən sonra şirkət iş adamından üzr istəyib və bildiriblər ki, belə hadisələr mütəmadi baş verir. 

www.oxu.az

Oxu.Az yeniləndi!

ANDROID əməliyyat sistemli smartfonlar

iOS əməliyyat sistemli smartfonlar