Avtomobili insanların üstünə sürən sürücü linç edildi

Meksikada zəvvarlar yük avtomobilini insanların üzərinə sürən sürücünü öldürüblər. 

Oxu.Az Excelsior nəşrinə istinadən xəbər verir ki, sürücünün avtomobilin sürətini artırması nəticəsində baş vermiş hadisədə bir nəfər ölüb, 32 nəfər xəsarət alıb. 

Xəsarət alanlar arasında 14 uşaq var. 

Qəzadan sonra zəvvarlar sürücünü maşından çıxararaq döyüblər, nəqliyyat vasitəsini isə yandırıblar. Sürücü aldığı çoxsaylı xəsarətlər üzündən hadisə yerində ölüb. 

www.oxu.az