Fransada həbslər başladı - YENİLƏNİB - VİDEO
Fransada həbslər başladı - YENİLƏNİB - VİDEO
Parisdə “sarı jiletlilərin” kütləvi etiraz aksiyası ərəfəsində azı altı fəal polis tərəfindən saxlanılıb.
Oxu.Az xəbər verir ki, bu haqda BFMTV yerli polis idarəsinə istinadən məlumat yayıb.
Telekanalın məlumatına görə, etirazçılar artıq Triumfal qapıların önünə toplaşmağa başlayıb.
Hələlik ərazidə nisbi sakitlik müşahidə olunur.
Bundan əvvəl Makron hökumətinin asayışın qorunması məqsədilə Fransanın müxtəlif şəhərlərinə 70 minə yaxın polis səfərbər etdiyi haqda xəbər yayılmışdı.
Another video of protesters arriving for today’s #ActeV #GiletsJaunes protests that are happening in Paris & nationwide.pic.twitter.com/6bHMwAUOr4
— Jordan 🌹 (@Jordan_SP1) December 15, 2018
11:21
Fransada “Sarı jiletlilərin” bu gün (dekabrın 15) gözlənilən yeni kütləvi etiraz aksiyaları ilə əlaqədar bütün ölkə boyunca 69 minə yaxın polis əməkdaşı səfərbər olunub.
Oxu.Az xəbər verir ki, bu haqda BFM Fransa DİN-ə istinadən məlumat yayıb.
Təkcə Parisdə asayışın qorunmasına 8 min polis əməkdaşı ayrılıb. Paytaxtda az qala addım başı zirehli polis texnikasına rast gəlmək olur. Telekanalın məlumatına əsasən, polis əməkdaşları artıq Triumfal qapıların qarşısında mövqe tutub.
Ötən şənbə Fransada təhlükəsizliyin təmin olunması məqsədilə 89 min polis əməkdaşı səfərbər olunmuşdu.
Qeyd edək ki, Fransada noyabrın 17-dən bəri “sarı jiletlilər” hərəkatının etiraz dalğası səngimək bilmir. Etirazçıları ayağa qaldıran hökumətin yanacaq qiymətlərini və vergiləri qaldırması, həmçinin ölkədə yaşanan bahalaşma (yaşayış xərclərinin artması) olub.
Fransa DİN-nin məlumatına əsasən noyabrın ortalarından bəri saxlanılan fəalların sayı 4500 nəfəri ötüb.
#Update: The protests in #France in #Paris have also moved an new location to the "Opera Garnier" as the 5the wave hists the streets in france today! #Acte5 #GiletJaunes #YellowVests pic.twitter.com/8wiAZ9Tejr
— Sotiri Dimpinoudis (@sotiridi) December 15, 2018
Oxu.Az yeniləndi!