“Avropa ordusu”nun yaradılması üçün ilk addım atıldı
“Avropa ordusu”nun yaradılması üçün ilk addım atıldı
Fransa və Almaniya Yelisey sazişinin 56-cı ildönümündə yeni müqavilə imzalayıblar.
Oxu.Az “RİA Novosti” agentliyinə istinadən xəbər verir ki, sazişi Almaniya tərəfindən kansler Angela Merkel və Fransa prezidenti Emmanuel Makron imzalayıb.
İmzalanma mərasimindən sonra Merkel jurnalistlərə açıqlama verərək, bu sazişi “Avropa ordusu”nun yaradılmasında ilk addım adlandırıb.
“Almaniya və Fransa ərazi suverenliyinə ediləcək hərbi hücumlar zamanı bir-birinə istənilən yardımı göstərməklə bağlı razılaşma imzaladı”, - Merkel sənədin imzalandığı Almaniyanın Aahene şəhərində baş tutan mətbuat konfransında deyib.
O qeyd edib ki, saziş iki ölkə arasında iqtisadi, siyasi, müdafiə və təhlükəsizlik, mədəniyyət və təhsil, iqlim, sərhədyanı ərazilər sahələrində əməkdaşlığı gücləndirəcək.
Xatırladaq ki, Yelisey sazişi 1963-cü ildə Şarl de Qoll və Konrad Adenauer arasında imzalanıb.