Pakistanda terrorçular sərnişinləri güllələdi

Pakistanın Bəlucistan əyalətində sərnişin avtobusu silahlı hücuma məruz qalıb.

Yerli Geo TV telekanalının yaydığı məlumata görə, naməlum şəxslərin açdığı atəş nəticəsində azı 14 nəfər həyatını itirib.

Telekanalın məlumatına görə, silahlı insident Kəraçi və Qvadar şəhərlərini birləşdirən sahilyanı şossedə baş verib. Bir dəstə silahlı avtobusu dayandırıb və sərnişinlərdən şəxsiyyəti təsdiq edən sənəd tələb edib.

“Sənəd yoxlamasından sonra on dörd nəfər avtobusdan düşürülüb və güllələnib”, - deyə kanalın mənbəyi bildirib.  

Hadisənin təfərrüatı barədə məlumat verilmir.