Şri-Lankadakı partlayışlarla əlaqədar 7 nəfər həbs olunub - YENİLƏNİB
Şri-Lankadakı partlayışlarla əlaqədar 7 nəfər həbs olunub - YENİLƏNİB
Şri-Lankada baş vermiş partlayışlarla əlaqədar 7 nəfər saxlanılıb.
Bu barədə RİA Novosti agentliyinin Şri-Lankanın nazirlərinin birinə istinadən yaydığı məlumatda deyilir.
13.56
Şri-Lankada gün ərzində sayca səkkizinci partlayış baş verib.
News 1st portalının məlumatına görə, hadisə paytaxt Kolombonun Demataqoda rayonunda olub.
Qeyd edək ki, aprelin 21-də Şri-Lankada baş vermiş yeddi partlayış nəticəsində 187 nəfər ölüb, 500-dək adam yaralanıb.
13.55
Şri-Lankada daha bir partlayış baş verib.
Reuters-in məlumatına görə, zoopark yaxınlığında baş vermiş partlayış nəticəsində iki nəfər ölüb.
Qeyd edək ki, bu, gün ərzində sayca yeddinci partlayışdır.
Aprelin 21-də Şri-Lankada kilsə və otellərdə baş vermiş altı partlayış nəticəsində 185 nəfər ölüb, 500-dək adam yaralanıb.