Tereza Mey istefa verdi

Böyük Britaniyanın baş naziri Tereza Mey hakim Mühafizəkarlar Partiyası liderliyindən istefa verdiyi barədə partiyanın rəhbər komitəsini məlumatlandırıb.

O, bu addımı təqdim etdiyi yenilənən “Brexit” sazişi layihəsindən narazı qalan partiya üzvlərinin, o cümlədən hökumət nümayəndələrinin təzyiqi ilə atıb.  Xatırladaq ki, Mey mayın sonunda baş nazirlikdən istefa vermişdi. Hazırda bu posta 10 nəfər namizəd var.

Qeyd edək ki, Tereza Mey varisi elan edilənədək baş nazir postunda qalacaq. Ehtimal olunur ki, iyulun ikinci yarısında Britaniya hökumətinin yeni rəhbəri elan olunacaq.