Sovet cizgi film qəhrəmanları 3D formatda
Sovet cizgi film qəhrəmanları 3D formatda
"Soyuzmultfilm"in rəssamları bir sıra məşhur cizgi filmlərinin bəzi personajlarının 3D modelini yaradıblar.
"Ria Novosti" xəbər verir ki, studiyanın PR direktoru Anna Usaçeva belə deyib.
Bildirilib ki, heç bir yeni ekran əsərinin çəkilməsi planlaşdırılmır.
Əvvəllər KİV-də "Çeburaşka" və "Tutuquşu Keşa" kimi cizgi filmlərinin 3D formatda təqdim ediləcəyi ilə bağlı xəbərlər yayılmışdı.
Agentliyin təmsilçisi bildirib ki, "Soyuzmultfilm" 3D formatda cizgi filmlərinin istehsalını inkişaf etdirməyə çalışır.
Onun sözlərinə görə, məşhur qəhrəmanların modelləri marketinq məqsədilə yaradılıb.
Usaçova deyib ki, bu formatda yeni cizgi filmlərinin yaranmasından söhbət getmir, sadəcə olaraq, bu personajlar bütün animasiya texnologiyalarında təqdim olunacaqlar.