Dek
2019
15:42
26
229
17075
Virtual karabakh

Eskobarın dəhşətli cinayətləri: Xüsusən bakirələri seçirdi

Narkobaron Pablo Eskobar rəqib kartellər üçün “casusluq” etdiyi iddia olunan 49 gənc qızın ölüm əmrini verib.

“Hürriyət” xəbər verir ki, 1980-90-cı illər Kolumbiyasında yaşanan hadisə ölkədə böyük rezonans doğurub.

Üç gün ərzində işgəncə görən və şikəst edilmiş qız bədənləri Eskobarın məmləkəti Medellin ərazisində tapılıb. Bu qızların hər birinin Eskobar və digər kartel üzvləri ilə seks “parti”lərində iştirak etdiyi polisə də bəlli olub.

Eskobar həmin qızlara “özünüzə gəlin və sizi öldürdəcək qədər pis bir şeyi əsla söyləməyin” deyib. Narkobaron ona satqınlıq edən heç kəsi bağışlamaması ilə məşhur olub.

Eskobarın daha çox 14-17 yaş arası qızları və pul qarşılığında onunla yatacaq modelləri seçdiyi bildirilir.

1987-ci ildə 49 gənc qızın dəstəsindən xilas olan bir qız 1991-ci ildə yerli “El Tiempo” nəşrinə müsahibəsində gənc qızların “Eskobarın rəqiblərinə məlumat verərək xəyanət etdikləri üçün öldürüldüklərini” söyləyib.

“Bədənində silah atəşləri xaç çəkilən bir dostumu yol kənarında tapdılar. Ona ağır işgəncə vermişdilər. Onu Pablonun düşmənlərini tanımaqda ittiham etdilər”, - gənc qız bildirib.

Eskobarın qızları niyə öldürməsi ilə bağlı suala isə qız bu cür cavab verib:
“Əgər danışsanız və ya satqınlıq etsəniz ölərsiniz. Həyatda qalmaq üçün səssiz qalmalısınız və onlar bunu bilmirdilər”.

Yazar German Kastro Kaysedonun “Operacion Pablo Escobar” kitabında Eskobarın 14-17 yaş arası qızları sevdiyi, həyat yoldaşı ilə tanış olduğu zaman onun 13, özünün isə 24 yaşında olduğunu qeyd edib.

Eskobarın bir çox kasıbın “Robin Qud”u olduğuna inanılırdı və o dövrdə qadınlar onunla yatağa girərək gələcəkləri üçün əhəmiyyətli addım atdıqlarını düşünürdülər.

Medellin kartelinin üzvü olan Jairo Velasqez Vasqez Eskobarın bakirələrə marağı olduğunu deyib:

“Bildiyim tək azğınlığı heteroseksual bir qızın bakirələyini təcrübəli bir lezbiyanla itirməsi ilə bağlı ehtirası idi. Narkotik istifadə etmirdi. Sadəcə bir neçə şüşə pivə içirdi və əsla sərxoş olmurdu”.

Bizimlə əlaqə saxlayın

Digər Dünya xəbərləri