Hava yollarında inqilab: Elektrikli təyyarə uçuş həyata keçirdi

Dünyada ilk dəfə Kanadada elektrik enerjisi ilə işləyən kommersiya təyyarəsinin uçuşu həyata keçirilib. 

Məlumatı “Harbour Air Seaplanes” şirkəti yayımlayıb.

Uçuş iki şirkətin – Şimali Amerikada hidro-təyyarə istehsal edən “Harbour Air” və elektrik aviasiya sahəsində inqilab edən “MagniX”in birgə səyləri nəticəsində həyata keçirilib.

Elektriklə çalışan təyyarəni “Harbour Air” şirkətinin qurucusu və baş direktoru Qreq Makduqall idarə edib. Onun sözlərinə görə uçuş dünya tarixinə bir ilk kimi düşüb.