14 
Fev
2020
15:41
7
282
3291
Virtual karabakh

Yaşlı anasını döyüb öldürdü - FOTO

Türkiyənin İzmir şəhərində oğul anasını döyərək öldürüb.

“Demirören Haber Ajansı”nın (DHA) yaydığı xəbərə görə, 55 yaşlı Bəkir Baştosun 85 yaşlı anası Görgün Baştosunu ölümcül döyüb.

B.Baştosun arvadından ayrılandan sonra birgə yaşadığı kar və kor olan anasını döyüb. Sonra bacısıgilə gedərək anasının vəziyyətinin yaxşı olmadığını deyib.

Qızları evə gələndə analarını yerdə qan içində görüblər. Yaralı qadın xəstəxanaya yerləşdirilib. Həkimlərin müdaxiləsinə baxmayaraq, qadının həyatını xilas etmək mümkün olmayıb. Anasını öldürdüyü iddiası ilə polis nəzarətinə alınan B.Baştos iddiaları qəbul etməyib. O, anasının yıxılaraq yaralandığını və bu səbəbdən öldüyünü deyərək ittihamları qəbul etməyib.

B.Baştosun barəsində “özünü müdafiə edə bilməyən şəxsi qəsdən öldürmə” maddəsi ilə cinayət işi açılıb.

Məhkəmə prosesi G.Baştosunun meyitinin ekspertiza cavabının alınmasına qədər başqa günə təxirə salınıb.

B.Baştosunun psixoloji problemlərinin olduğu bildirilir.

Bizimlə əlaqə saxlayın

Digər Dünya xəbərləri