Çində güclü zəlzələ olub: Ölənlər var - VİDEO

Çinin cənub-qərbindəki Yunnan bölgəsində meydana gələn beş bal gücündə zəlzələ nəticəsində dörd nəfər ölüb, 23 nəfər yaralanıb.

Bu barədə “RİA Novosti” xəbər yayıb.

Zəlzələ ötən gün axşam yerli vaxtla 21:47-də 5,5 milyondan çox insanın yaşadığı Çjaotun şəhər dairəsinin Syaoszya bölgəsində qeydə alınıb. Yeraltı təkanların episentri səkkiz kilometr dərinlikdə olub.

Təbii fəlakətdən sonra yerli hakimiyyət orqanları tez zamanda xilasetmə əməliyyatları təşkil edib, zədələnmiş binalarda olan sakinlər təhlükəsiz ərazilərə təxliyyə edilib.