Dəfn mərasimində atışma: 14 yaralı - VİDEO

Dəfn mərasimi zamanı yaxınlıqdan keçən avtomobildən açılan atəş nəticəsində 14 nəfər yaralanıb.

“GlobalNews”un məlumatına görə, hadisə ABŞ-ın Çikaqo şəhərində yaşanıb.

Yerli polis əməkdaşının verdiyi informasiyaya əsasən, naməlum şəxslər avtomobildən dəfn mərasiminin iştirakçılarını gülləbaran ediblər. Tədbir üzvləri də onlara cavab atəşi açıb.

Nəticədə, canilərin olduğu avtomobil qəzaya uğrayıb. Bununla belə, onlar hadisə yerindən qaça biliblər.

Yaralılardan bəzilərinin vəziyyəti kritik qiymətləndirilir.

Hücum edənlərin hərəkətinin motivi hələlik məlum deyil.

Polis bir şübhəlini saxlayıb.