Yol vermədiyinə görə yaşlı kişini döydü - VİDEO

Avtomobilə quraşdırılmış müşahidə kamerası yol verməmək üstündə yaşlı kişi ilə gənc arasında baş verən davanı qeydə alıb.

“BAZA” “Telegram” kanalının məlumatına görə, kadrlar Rusiyanın Kirov şəhərindəndir.

Münaqişə iki hissədə davam edib: birincidə kişi üzündən bir-iki yumruq alıb. Davanın bununla bitdiyini düşünmək olar, amma yaşlı kişi təslim olmur, avtomobildən “silahını” götürərək, rəqibinin maşınına zərər vermək istəyir.

Nəticədə o, maşını əzir, ancaq özünə daha çox zərər dəyir. Kadrların sonunda gəncin onu yerlə sürüyərək, maşından uzaqlaşdırdığı görünür.