Bakıda anadan olan Rixard Zorqenin məzarının hüququ Rusiyanın Yaponiyadakı səfirliyinə keçib - FOTO

Rusiya səfirliyi Tokionun yaxınlığındakı Tama qəbiristanlığında dəfn olunan əfsanəvi sovet kəşfiyyatçısı Rixard Zorqenin məzarının hüqunu əldə edib. Bu münasibətlə təşkil edilən mərasimdə Azərbaycan da daxil olmaqla bir sıra ölkələrin səfirləri iştirak ediblər.

“RİA Novosti”nin məlumatına görə, bu barədə Rusiyanın Tokyodakı hərbi attaşesi Sergey Şaşkov bildirib.

Onun sözlərinə görə, kəşfiyyatçı zabitin mülki həyat yoldaşı Hanako İsiinin vəfatından sonra, məzara qulluq hüquqları yaxın qohumuna keçib. Lakin qadın 2018-ci ildə vəfat edib. Bundan sonra Hanako İsiiinin varisləri bu məzarın hüququnu Rusiyanın Yaponiyadakı səfirliyinə verilməsi üçün vəsiyyət edib.

Qeyd edək ki, Rixard Zorge 1895-ci ilin oktyabrın 4-də Bakıda anadan olub. Uşaq yaşlarından atasının işi səbəbindən Bakıdan Berlinə köçəndən sonra o, bir daha Azərbaycana gələ bilməyib. Bununla belə əfsanəvi kəşfiyyatçı Azərbaycanın xatirəsini daim əziz tutub. R.Zorqenin sonrakı illərdə özü tərəfindən yazılan xatirələrində bunu aydın görmək olur.