Xəzər sahilində 150-dən çox suiti cəsədi tapıldı - VİDEO

Dağıstanın Mahaçqala şəhərində 150-dən çox Xəzər suitisinin cəsədi tapılıb.

“İnterfaks” xəbər verir ki, alimlər hələ keçən il Rusiya Federasiyasının Qırmızı Kitabına daxil edilmiş Xəzər dənizinin yeganə məməli heyvanının ölümünün dəqiq səbəbini açıqlamaqda çətinlik çəkir.

Lakin tapılan suitilərin çoxunun dərisi olmayıb. Bu isə heyvanların ölümündə insan faktoruna işarə edir.

“Mənzərə dəhşətlidir, hər 50-100 metrdən bir ölü heyvana rast gəlirsən”, - deyə dəniz məməliləri Elmi Ekspedisiya Mərkəzinin təbiəti qoruma layihələrinin koordinatoru Viktor Nikiforov bildirib.

Mayın 4-də günortadan sonra 30, ertəsi gün artıq təxminən 130-a yaxın ölü heyvan tapılıb. Tədqiqatçılar bu gün ölü heyvanların sayının 200-ə çatacağını təxmin edirlər.