NATO-dan Ukraynaya dəstək

NATO baş katibi Yens Stoltenberq və Ukrayna Prezidenti Vladimir Zelenski arasında telefon danışığı zamanı Ukraynanın ətrafındakı təhlükəsizlik vəziyyəti və Rusiyanın bölgədəki hərbi gücünün artırılması müzakirə edilib.

Stoltenberq bu barədə “Twitter” hesabında yazıb.

O, NATO-nun Ukraynanın ərazi bütövlüyü və suverenliyini tam şəkildə dəstəklədiyini, dəstəkləməyə davam edəcəklərini bildirib.

Stoltenberq Ukraynadakı islahatların NATO tərəfindən dəstəklənəcəyini vurğulayıb.