Cadugarlığa normal baxan səhiyyə naziri işindən uzaqlaşdırıldı

Şri-Lanka prezidenti Qotabaya Racapaksa ölkənin səhiyyə nazirini istefaya göndərib.

“Frans-Press” xəbər verir ki, prezidentin bu addımı atması ölkənin səhiyyə naziri Pavitru Vannyaraççinin ictimaiyyət qarşısında çıxış edərkən koronavirusla mübarizədə cadu və sehrdən istifadəyə normal baxdığını ifadə etməsindən sonra baş verib.

Qeyd olunur ki, Şri-Lankada son aylar ərzində koronavirusdan ölüm halları rekord həddə çatıb.

Son məlumata əsasən, Şri-Lankada 6 263 nəfər pandemiyanın qurbanı olub.

Xəstəlik başlayandan bu günə qədər isə 358 608 nəfər COVID-19-a yoluxub.