İranda koronavirusa rekord yoluxma qeydə alındı

İranda pandemiya başlayandan ən yüksək gündəlik yoluxma qeydə alınıb.

“Anadolu” agentliyi ölkənin Səhiyyə Nazirliyinə istinadən məlumat verir ki, son sutkada 50 228 yeni yoluxma müəyyən edilib.

Həmin şəxslərdən 5 163-ü xəstəxanaya yerləşdirilib.

Ötən gün ərzində 625 nəfər virus səbəbindən ölüb.

Təxminən 83 milyon əhalisi olan ölkədə ümumilikdə 20 481 265 doza peyvənd vurulub.