Ermənistanda hərbi qulluqçu əsgər yoldaşını güllələdi

Ermənistan hərbi hissələrindən birində əsgər hərbçi yoldaşını ölümcül yaralayıb.

Bu barədə Ermənistan Müdafiə Nazirliyinin mətbuat xidməti məlumat yayıb.

Qeyd edilir ki, aprelin 28-də N saylı hərbi hissənin əsgəri, 2002-ci ildə anadan olmuş Samvel Sanoyan əsgər yoldaşının açdığı atəş nəticəsində xəsarət alıb və xəstəxanaya aparılarkən yolda ölüb.

Faktla bağlı araşdırma aparılır.

Mənbə: Sputnik Ermənistan