21 
İyn
2022
01:24
237
48
870
Virtual karabakh

İsrail İranın təhdidlərinə qarşı ABŞ-la “Yaxın Şərq HHM alyansı” yaradacaq

21 İyn, 2022
01:24
870

İsrail İranın təhdidlərinə qarşı ABŞ-la “Yaxın Şərq HHM alyansı” yaradacaq

İsrail və ABŞ “Yaxın Şərq hava hücumundan müdafiə alyansı” yaratmaq üzərində işləyirlər.

Bu barədə İsrailin müdafiə naziri Benni Qantz bildirib.

ABŞ Prezidenti Co Baydenin iyulun 13-14-nə ölkəyə planlaşdırılan səfəri zamanı bu mövzunun müzakirəsi planlaşdırılır.

Knessetin (parlament) xarici işlər və müdafiə komitəsinin iclasında danışan Qantz bildirib ki, bu hava hücumundan müdafiə alyansı “İranın İsraili və regiondakı digər ölkələri təhdid etmək cəhdləri barədə artıq xəbərdarlıq edib”.

O, başqa təfərrüatları açıqlamayıb. Nazir xaricdə olan İsrail vətəndaşlarına qarşı mümkün hücum halında sərt cavabın hazırlanmasını da tapşırıb:

“Bizim ixtiyarımızda bir sıra imkanlarımız var, İsrail vətəndaşlarına hər-hansı bir zərər bizi bu vasitələrdən istifadəyə vadar edəcək”.

Ötən həftə İstanbulda bir qrup iranlı əməliyyatçı İsrail vətəndaşlarına qarşı hücum hazırlamaqda ittiham edilərək saxlanılıb. Eyni zamanda İsrail Dəməşqi İran silahlarından imtina etmədiyi təqdirdə Suriya Prezidenti Bəşər Əsədin saraylarından birinə zərbə endirəcəyi ilə hədələyib.

Mənbə: Kommersant

Bizimlə əlaqə saxlayın

Digər Dünya xəbərləri