Yunanıstanda Müqəddəs Afon dağında yanğın: Altı təyyarə alovu söndürür

Yunanıstanda Müqəddəs Afon dağında meşədə yanğın baş verib.

Bu barədə ölkənin yanğınsöndürmə xidməti məlumat verib.

Altı təyyarə, yüzdən çox yanğınsöndürən, 35 texnika yanğının söndürülməsinə cəlb olunub.

Afon dağında təkcə meşə deyil, həm də 20 monastır və başqa tikililər var. Hələlik yanğının insanların həyatı üçün təhlükə yaratmadığı və binalara ziyan vurmadığı bildirilir.

Mütəxəssislər yanğının mümkün səbəblərini təhlil edirlər.

Mənbə: Gazeta.ru