İrəvan Permyakovun erməni məhkəməsinə verilməsini tələb edir
İrəvan Permyakovun erməni məhkəməsinə verilməsini tələb edir
Baş prokuror rusiyalı həmkarına müraciət etdi.
Ermənistanın baş prokuroru Gevork Kostanyan rusiyalı həmkarı Yuri Çaykaya müraciət edib.
Oxu.Az Ermənistan KİV-nə istinadən xəbər verir ki, Kostanyan Çaykadan Valeri Permyakovun işinin Ermənistan tərəfinə verilməsini xahiş edib.
Qeyd edək ki, öncə məlum olub ki, Ermənistanın Gümrü şəhərində 6 nəfərin qətlində şübhəli bilinən rus əsgər Valeri Permyakovun məhkəməsi Gümrüdə Rusiyanın hərbi bazasının hərbi məhkəməsində keçiriləcək.
Xatırladaq ki, yanvarın 12-də Gümrü şəhərində Avetisyan ailəsinin 6 üzvü güllələnib. Şübhəli Valeri Permyakov Ermənistan-Türkiyə sərhədini keçmək istəyərkən Rusiya sərhədçiləri tərəfindən saxlanılıb. İnsident zamanı Avetisyanlar ailəsinin müxtəlif xəsarətlər alan 6 aylıq üzvü Seryoja Avetisyan isə yanvarın 19-da ölüb.