Londonda neft və qaz yataqlarının işlənməsinə qarşı olan fəallar avtosalonları boyadılar - FOTO/VİDEO

Yeni neft və qaz yataqlarının işlənməsinə qarşı çıxan “Just Stop Oil” ətraf mühit fəalları Böyük Britaniyanın paytaxtı Londonun mərkəzindəki bir sıra avtosalonları boyayıblar.

“Bentley”, “Bugatti” və “Ferrari” dilerlərinin binaları “narıncı zərbə altında” qalıb. Etirazçılar Böyük Britaniyanın 2025-ci ildə 46 yataqda neft və qaz hasilatına başlamaq planına etiraz ediblər.

Oxşar etirazlar bir aya yaxındır ki, davam edir.

Xatırladaq ki, bundan əvvəl Londonda lobbi qrupunun qərargahı üzərinə boya tökülüb, Madam Tüsso muzeyində III Karlın mum fiqurunun şokoladlı tort, Vinsent van Qoqun “Günəbaxanlar” tablosunun üzərinə isə pomidor şorbası atılıb.

Mənbə: İzvestiya